RoSPA's mission is to save lives and reduce injuries

Fframwaith Cwricwlwm Diogelwch y Cartref - Cymraeg

Mae'r fframwaith, a ddatblygwyd gyda chymorth y DTI, yn darparu adnodd i ysgolion sy'n dymuno i'w cwricwlwm gynnwys diogelwch yn y cartref.

Mae cynllun gwers wedi'i ddarparu ar gyfer pob gweithgaredd unigol yn y fframwaith. Os yw'n briodol, mae taflen waith wedi'i chynnwys hefyd.

Dyma rai o'r pynciau sy'n cael sylw

Diogelwch rhag tân, "Tân – ewch allan ac arhoswch allan"
Peryglon o amgylch y cartref
Ymdrin â phwysau cyfoedion
Diogelwch dŵr
Diogelwch cyfrifiaduron
Y cysyniad o risg a dysgu am beryglon
Deall graddfa'r damweiniau a all ddigwydd yn y cartref
Chwarae a hamddena'n ddiogel.

Mae'r cwricwlwm yn darparu addysg barhaol ynglyn â diogelwch yn y cartref o'r dosbarth derbyn ymlaen drwy'r pedwar cyfnod allweddol, gan adeiladu ar yr hyn sydd wedi'i ddysgu eisoes. Er hynny, mae pob gwers yn sefyll ar ei phen ei hun, a gellir ei phlethu i gynlluniau gwersi.

Darperir cysylltiadau â'r Cwricwlwm Cenedlaethol yng Nghymru gan roi sylw i bynciau ABCh, Saesneg, Gwyddoniaeth ac ati.

Bob blwyddyn, bydd rhyw 3,900 o bobl yn marw o ganlyniad i ddamwain yn y cartref, ac aiff 2.7 miliwn i ganolfannau sy'n trin damweiniau ac achosion brys. Mae'r cwrs hwn yn darparu addysg oes drwy addysgu plant sut mae bod yn ddiogel wrth iddynt dyfu ac yna ddatblygu sgiliau bywyd a fydd yn eu paratoi i fyw fel oedolion.